द न्यूज बिज् टाईम्स, पुणे : ओम साई फाउंडेशनच्या वतीने भारतरत्न संत मदर तेरेसा यांच्या जयंतीनिमित्त त्यांच्या प्रतिमेस कर्मचारी दिव्यांग कुणाल भालेराव यांच्या हस्ते मेणबत्ती रोजी करून नंतर उत्कृष्ट सेवा देणाऱ्या डॉक्टरांचा संत मदर तेरेसा हा पुरस्कार देऊन त्यांना गौरविण्यात आले. सांगवी येथील स्व. इंदिरा गांधी रुग्णालयात आमदार लक्ष्मण जगताप व माजी नगरसेवक शंकर जगताप यांच्या मार्गदर्शनाखाली या कार्यक्रमाचे आयोजन करण्यात आले होते.
सांगवी रुग्णालयातील डॉ. तृप्ती मंगेश सागळे, ज्येष्ठ वैद्यकीय अधिकारी यांच्या मार्गदर्शनात सांगवी रूग्णालय डॉक्टर व कर्मचारी हे उत्तम प्रकारे नागरिकांची सेवा करतात. त्यामुळे डॉ. तृप्ती सागळे व डॉक्टर सहकार्यांना संत मदत टेरेसा पुरस्कार देऊन त्यांना सन्मानित करण्यात आले, असे अध्यक्ष संजय मराठे यांनी सांगितले.
सांगवी रुग्णालय अधिकारी नाव पुढील प्रमाणे डॉ. तृप्ती मंगेश सागळे (जेष्ठ वैद्यकीय अधिकारी सांगवी रुग्णालय प्रमुख), डॉ. कोकरे श्रध्दा शिवाजीराव (वैद्यकीय अधिकारी), डॉ. हांडे किशोरकुमार वसंतराव (वैद्यकीय अधिकारी), डॉ. कुंदन प्रशांत पाटील (वैद्यकीय अधिकारी), डॉ. नरके गोविंदा महादेव (वैद्यकीय अधिकारी), डॉ. तुषार जाधव (वैद्यकीय अधिकारी), डॉ. बिरादार सुप्रिया पांडुरंग (वैद्यकीय अधिकारी), डॉ. वर्षा गवई (स्त्री रोग तज्ञ), डॉ. सुधीर करवंदे (भूलतज्ञ), डॉ. मोहन नलावडे (स्त्रीरोग तज्ज्ञ), डॉ. शंकर बोरकर, डॉ. मेघा सूर्यवंशी यांना भारतरत्न संत मदर तेरेसा पुरस्कार देऊन सन्मानित करण्यात आले.
या प्रसंगी संजय गांधी निराधार योजना महाराष्ट्र शासनचे संजय मराठे, प्रकाश बारथे, पंकज सारसर, सचिन अवघडे, रवी खोकर, सामाजिक कार्यकर्त्या सीमा पाटोळे, पूनम यादव आदी उपस्थित होते. सूत्रसंचालन पंकज सारसर यांनी, तर आभार राजू आवळेकर यांनी मानले.