द न्यूज बिज् टाईम्स, पिंपरी : केंद्रीय निवडणूक आयोगाने कसबा पेठ आणि पिंपरीची पोटनिवडणूक जाहीर केली आहे. त्यानुसार २७ फेब्रुवारी 2023 रोजी या जागांसाठी पोटनिवडणूक होणार आहे.
आमदार मुक्ता टिळक आणि लक्ष्मण जगताप यांच्या मृत्यूनंतर रिक्त जागांवर ही पोटनिवडणूक होत आहे. २७ फेब्रुवारीला मतदान आणि २ मार्चला मतमोजणी/निकाल जाहीर होणार आहे.
केंद्रीय निवडणूक आयोगाने बुधवारी त्रिपुरा, मेघालय आणि नागालँड या तीन राज्याच्या विधानसभा निवडणुकांची घोषणा केली. या बरोबरच चिंचवड आणि कसबा पेठ विधानसभा मतदारसंघाची पोटनिवडणूकही जाहीर केली आहे.
या पोटनिवडणुकीसाठी ३१ जानेवारी ते ७ फेब्रुवारीपर्यंत उमेदवारी अर्ज भरता येणार आहेत. ८ फेब्रुवारी रोजी अर्जांची छाननी होणार आहे. १० फेब्रुवारीपर्यंत उमेदवारी अर्ज माघारी घेता येईल. २७ फेब्रुवारीला मतदान आणि २ मार्च रोजी मतमोजणी होणार आहे.
