Thank a teacher : यंदाचा शिक्षक दिन असा होणार साजरा

या सोशल मीडियाद्वारे राबवण्यात येणार आहे. समाजातील सर्व घटकांनी यात सहभागी व्हावे, असे आवाहन शालेय शिक्षण व क्रीडा विभागाने केले आहे.

शाळा काय करणार?
1. सध्या बंद असल्या तरी विविध माध्यमातून मुलांचे शिक्षण सुरू राहील, यासाठी शिक्षक प्रयत्न करत आहेत. त्यांच्या या उपक्रमांच्या यशोगाथांचे सादरीकरण केंद्र, तालुका आणि जिल्हा स्तरावरून करण्यात यावे.

2. कोविड-१९ काळातील शिक्षणावर परिसंवाद – दुर्गम व शहरी भागातील शिक्षकांसोबत काही स्वयंसेवक, शिक्षक मित्र शिक्षण देण्याचे काम स्वयंस्फूर्तीने करत आहेत. अशा व्यक्तींचे वेबिनार आयोजित करावेत. यात शाळा व्यवस्थापन समिती आणि पालकांना सहभागी करून घ्यावे.

3. विद्यार्थी व पालकांसाठी विविध विषय देऊन ऑनलाइन वक्तृत्व, निबंध, पोस्टर, घोषवाक्य, गीतवाचन, नाट्यवाचन, अभिवाचन स्पर्धांचे आयोजन करावे.
4. मी कोविडयोद्धा – करोना काळात शिक्षक व शिक्षण क्षेत्रातील अधिकाऱ्यांनी कोविड योद्धा म्हणून विविध कामे पार पाडली. उदा. तपासणी करणे, बाहेरून आलेल्या नागरिकांचे सर्वेक्षण करणे, विलगीकरण कक्षात निरीक्षक म्हणून काम करणे. या व इतर कामाचे अनुभव कथन करून त्यांच्या कामाचे कौतुक करणे.

या संपूर्ण कार्यक्रमासंबंधीचा सविस्तर आढावा घेणारा जीआर राज्य शासनाने जारी केला आहे. हा जीआर शासनाच्या संकेतस्थळावर उपलब्ध आहे.