द न्यूज बिज् टाईम्स, पिंपरी : अहिल्यादेवी होळकर शाळा मैदान, गजनन महाराज मदिरासमोर, जुनी सांगवी येथे ऐतिहासिक शिवकालीन मर्दानी खेळ (लाठी-काठी, भाला, दांडपट्टा, ढाल – तलवार इ.) यांचे प्रशिक्षण वर्ग येत्या ५ डिसेंबरपासून सुरू होत आहेत.
या प्रशिक्षण वर्गाचे उद्घाटन १ डिसेंबर रोजी संपन्न होत असून, या कार्यक्रमासाठी नरवीर तानाजी मालुसरे यांचे थेट तेरावे वंशज सुभेदार कुणाल मालुसरे , लव्हेरी यांची विशेष उपस्थिती राहणार आहे. या प्रशिक्षणाचे आयोजन आमदार लक्ष्मण जगताप व चिंचवड विधानसभा निवडणूक प्रमुख शंकर जगताप यांच्या मार्गदर्शनाखाली करण्यात आले आहे.
मावळातील युद्ध कला व शौर्यसंस्कृती जतन व संवर्धन करणारी तुळजाभवानी मर्दानी खेळ प्रशिक्षण व सांस्कृतिक सेवा संस्थेच्यावतीने हे प्रशिक्षण वर्ग सुरू होत असून, या प्रशिक्षण वर्गामध्ये पिंपरी चिंचवड मधील सर्व विद्यार्थी, विद्यार्थिनी, शिवप्रेमी, पालकांना व वय वर्ष ५ पासून पुढे सर्वांना प्रवेश घेता येईल. हे प्रशिक्षण वर्ग आपली महाराष्ट्राची शौर्य संस्कृती असून, आपणही या प्रशिक्षणात सहभागी व्हावे, असे आवाहन संस्थेचे अध्यक्ष शस्त्र व युद्धकला अभ्यासक रवींद्र यांनी केले आहे.
यात सहभागी व्हावे असे आवाहन या प्रशिक्षण शिबिराच्या आयोजक सारिका कृष्णा भंडलकर (अध्यक्ष, डोनेट एड सोसायटी सांगवी) यांनी केले आहे. नाव नोंदणीसाठी संपर्कः ९५५२६२५९६१