दिघी विकास मंचचा वर्धापन दिन उत्साहात साजरा

पिंपरी चिंचवड शहरातील महामानवाच्या प्रतिमांची व नाम फलकांची साफ सफाई करीत त्यांच्या विचारांना आणि प्रतिमांना विनम्र अभिवादन करून दिघी विकास मंचचा २ रा वर्धापन दिन उत्साहात साजरा करण्यात आला.

यावेळी मंचाचे अध्यक्ष हरिभाऊ लबडे, उपाध्यक्ष धनाजी खाडे, सचिव समाधान कांबळे, सहसचिव  अभिमन्यू दोरकर, खजिनदार दत्ता घुले, सह खजिनदार नामदेव रडे, सदस्य कुंडलिक जगताप, रमेश विरणक व मार्गदर्शक सुनील काकडे आदी सभासद सहभागी झाले होते.

दिघी विकास मंच हि एक सामाजिक कार्य करणारी संघटना आहे. मंचच्या वतीने वर्ष भर विधायक कामे करण्यावर भर दिला जातो. त्यामुळे वर्षाची सुरुवात आणि मंचच्या वर्धापन दिनाचं औचित्य साधून महामानवांच्या पुतळ्याची व नाम फलकांची स्वच्छ्ता करून नवीन वर्ष व वर्धापन दिन साजरा करण्यात आला. त्याचप्रमाणे महाराष्ट्र पोलीस वर्धापन दिनानिमित दिघी पोलीस ठाण्यातील अधिकारी व कर्मचारी यांचा गुलाबपुष्प देऊन दिघी विकास मंचच्या वतीने सन्मान करण्यात आला व शुभेच्छा देण्यात आल्या.