मारुती सुझुकी | एस क्रॉस पेट्रोल

मारुती सुझुकीने एस-क्रॉस पेट्रोल ४ प्रकारात लाँच केली आहे. यात १.५ लिटरची सिरीज बीएस६ पेट्रोल इंजिन आहे. हे ६००० आरपीएमवर ७७ केडब्ल्यूची शक्ती व ४४०० आरपीएमवर १३८चा टॉर्क तयार करते. इंजिन अॅडव्हान्स्ड ४ स्पीड ऑटोमॅटिक ट्रान्समिशनशी जोडले आहे. ही १८.५५ चे मायलेज देण्यास सक्षम आहे. पेट्रोल व्हर्जनची सुरुवातीची किंमत ८,३९,००० रु.

महिंद्रा | एक्सयूव्ही ३०० स्पोर्ट्‌स

महिंद्रा १४ ऑगस्ट रोजी सब-कॉम्पॅक्ट एसयूव्ही महिंद्रा एक्सयूव्ही ३०० स्पोर्ट्‌स लाँच करेल. यामध्ये १.२ लिटर, १.५ लिटर आणि २.० लिटर टर्बो-पेट्रोल डायरेक्ट इंजेक्शन इंजिन आहे. हे १३० बीएचपी, १६३ बीएचपी आणि १९० बीएचपीची शक्ती देते. ही ६-स्पीड मॅन्युअल गिअरबॉक्सयुक्त आहे. यामध्ये रेड फ्रंट ब्रेक कॅलिपर दिले आहेत. हिची किंमत १२.३० लाख ते १२.५० लाखांदरम्यान राहण्याची शक्यता आहे.

टोयोटा : अर्बन क्रुझर

ऑगस्टमध्ये सब-कॉम्पॅक्ट एसयूव्ही टोयोटा अर्बन क्रुझर नावाने लाँच करू शकते. अर्बन क्रुझर एसयूव्ही प्रामुख्याने मारुती सुझुकीची व्हिटारा ब्रेझाचे रिबॅच व्हर्जन आहे. हिची किंमत ८ ते ११.५ लाख रुपयांत असेल. ही टोयोटा-सुझुकीच्या भागीदारीअंतर्गत येणारी दुसरी कार असेल. या भागीदारीअंतर्गत पहिली टोयोटा ग्लान्झा आली होती. टोयाेटो अर्बन क्रुझरमध्ये १.५ लिटर के-सिरीज पेट्रोल इंजिन मिळेल. हे इंजिन १०३ बीएचपीची शक्ती आणि १३८ एनएम टॉर्क देते.

किया मोटर्स : सोनेट

किया मोटर्स इंडियाची कॉम्पॅक्ट एसयूव्ही किया सोनेट ७ ऑगस्टला बाजारात येईल. नवी सोनेट जीटी लाइन आणि टेक लाइनमध्ये येईल. हिची किंमत सात लाखांपासून ११.५ लाख रुपयांपर्यंत राहील. सोनेटमध्ये कियाची सिग्नेचर स्टाइल एलिमेंट्स उदा. फ्रंट टायगर-नोज ग्रिल आणि थ्री-डायमेन्शनल स्टेप-वेल जियोमेट्रिक ग्रिल मेशसह एक बोल्ड आणि डायनामिक डिझाइन दिली आहे.

टाटा मोटर्स : एचबीएक्स एसयूव्ही

​​​​​​​टाटा मोटर्सने फेब्रुवारीत झालेल्या २०२० ऑटो एक्स्पोमध्ये एचबीएक्स कन्सेप्ट मिनी एसयूव्ही सादर केली हाेती. आता ऑगस्टमध्ये हिची लाँच करण्याची तयारी आहे. या गाडीची सुरुवातीची किंमत ५ लाख असू शकते. टाटा मोटर्सने एचबीएक्स मायक्रोला एक ऑफ रोडर मायक्रो एसयूव्हीप्रमाणे डिझाइन
केले आहे.